Oidheantherabiebrojekt

by Bauchfleisch

supported by
/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

    Inklusive 16-seitigem Booklet, CD-Label und CD-Cover im PDF-Formt
    Purchasable with gift card

      €9 EUR  or more

     

  • Compact Disc (CD) + Digital Album

    Kartonhülle mit transparentem Tray, 16-seitiges Booklet

    Includes unlimited streaming of Oidheantherabiebrojekt via the free Bandcamp app, plus high-quality download in MP3, FLAC and more.
    ships out within 3 days

      €9 EUR or more 

     

1.
2.
03:20
3.
04:50
4.
5.
6.
7.
02:50
8.
9.
03:39
10.
11.
03:26
12.
04:36
13.
05:46
14.
03:37

credits

released December 2, 2017

license

all rights reserved

tags

about

Bauchfleisch Vienna, Austria

Roman "Jaki" Jaksic - Gesang, Bass, Percussion

Anton "Töni" Bauer - Schlagzeug, Percussion

Bernhard "Börni" Wita - Gitarre, Gesang

Hermann "Voda" Schopf - Gitarre
... more

contact / help

Contact Bauchfleisch

Streaming and
Download help

Report this album or account

Track Name: Böses Erwochn
BÖSES ERWOCHN

Egal wo ma hieschaut schreins "Mia san is Volk".
Besorgte Bürger brauchen wen der eanas Handal hoit.
Groß is de Sehnsucht noch an storken Mau.
An der via olle denkt und der wos ollas kau!

DES GIBT A BÖSES ERWOCHN
NED NUA FIA OLLE DE
DENAN JEZ A ACHTAL INS HOSAL GEHT!
DES GIBT A BÖSES ERWOCHN
WAUN DA SCHÄDL BRUMMT,
SONGS DES HOMMA NED WOIN
DASS WIEDA SOWEIT KUMMT!

I glaub scho dass Aungst hobts owa hobts es a a Hirn?
Sogts wia is es Lebn mit nur schworz & weiß in da Birn?
Do Guat und durt Böse, des redn's eich nua ei!
De Wöd funktioniert ned wia beim Korl May!

DES GIBT A BÖSES ERWOCHN...
Track Name: Zwa Seitn
ZWA SEITN

Es is a Wahnsinn, wia ma se irrn kaun, mid Sochn und mid Leit.
Ma glaubt laung ma hod a Maßn, owa irgendwaun is soweit.
Daun steht ma do und ma zaht an Fotz, weu ma waas ehrlich ned so genau,
ob es Glick wiaklich a Vogerl is, oda do nua a foische Sau!

WEU OLLAS HOD ZWA SEITN, UND MAUNCHES SOGAR DREI.
EGAL WOS KUMMT, WUASCHT WIAS PASSIERT, MA IS SOWIESO DABEI!

Und schee laungsaum wean olle Hoa grau uns daun siecht ma ans End,
und daun geht an erst da Schiach an und ma mocht si ins Hemd.
Daun hockt ma do und ma haut se o, beim letztn Schnaufer foid an auf
da Tod is eigentlich a guada Freind, er is nua a bissl sötsaum drauf.

WEU OLLAS HOD ZWA SEITN...
Track Name: Schnö glebt
SCHNÖ GLEBT

Da Bus frißt se durchd Nocht und du bist hundsmiad,
owa so üwadraht das von Schlof bei Gott ka red sei kaun.
Da Gig woa mördahoft, de Leit san vua eich kniat.
Nur noch jeda Show bist hin dasd glaubst du speibst di aun.
Jedn Tog a neiche Stodt, jede Nocht a neicha Soi.
Dir geht de Luft aus owa kana scheißt sie wirklich drum.
Du mochst di dicht, daunn is ka Quoi,
a waunnst waast du bringst di laungsaum owa sicha um.

SCHNÖ GLEBT UND DAUN BOID GSTUARBN.
ZERSCHT VOLLES ROHR UND DAUN DE KROFT VALURN!

Und dei Zeid zarinnt und du host ka Idee,
waunst neiche Numman mochst auf de die Firma woat.
De woin a neiche Scheibn und a neiche Tour,
es geht um eana Göd do gibs kan Spaß do sans bahoat.
Du hockst im Studio, dei Hirn is völlig laa.
Dei Herz streikt und aun dem Punkt do hüft ka Dokta mehr.
Es gibt a Best-Of-Scheibn und de Firma maant:
"So wia der drauf woa hätt man eh boid ausse glahnt!"

SCHNÖ GLEBT....
Track Name: A wüde Nocht
A WÜDE NOCHT

Brennt es Liacht no am Auto, is gnua Göd do fian Sprit?
Hod es Kind an Schnupfn oda is wieda a Gripp?
Zoid da Chef dermoi pünktlich, hod de Bank no Geduid?
Is de Schwiegamamsch grantig, wer is daran schuid?
Miass ma no a Bank rettn, wos wiad teurer dafia?
Dawischts de Bücha oda zoins wieda wia?
Wiad da Faymann no a Sozi, glaubt a söwa wos a sogt?
Waun kummt da Komet, dea uns olle daschlogt?

DES IS WIEDA SO A WÜDE NOCHT WO MA KA RUA FIND,
DES IS WIEDA SO A WÜDE NOCHT WO MA KA RUA FIND,
BIS AN NARRISCH MOCHT!

San no Keks unt im Kastl, is aum Heisl gnua Papier?
Wü ma sei Schnitzl natur hobn oda do liawa mit Panier?
Midn Haus üwanumman oda geht ois noch Plan?
Hod ma nexts Joa no an Job oda knotzt ma längst daham?
De Tant hod Geburtstog, is fia a Kortn eh scho zspät?
Wiad ma wieda vaschlofn, weu da Wecka ned geht?
Und HC und Konsorten dazöhn nua gfeude Schmäh,
hoid uns echt da Tsunami ausn Neusiedler See?

DES IS WIEDA SO A WÜDE NOCHT...
Track Name: Moch wosd wüsd
MOCH WOSD WÜSD

Des Menschen Wille is sei Himmereich,
owa so wia du tuast, wean olle bloss & bleich.
Aum Montog de Lilli, aum Mittwoch de Marie,
frog i Freitog noch da Gretl, daun frogstnua: Wea is sie?

GEH BITTE MOCH WOSD WÜSD,
PASS AUF WAUNSD MIDN FEIA SPÜST,
KAUN SEI DASD SAUMSTOG FOST VABRENNST
UND DI AM SUNNTOG SCHWA VAKÜHST!

Und scho is passiert: Du hosd dei Herz valuan,
owa sie wü nix von dia, wos kaunnst do no tuan?
Zerscht schickst Blumen und daun a Bonboniere,
hint noch a Herz aus Diamanten, sie frogt nua: Wer is er?

GEH BITTE MOCH WOSD WÜSD...
Track Name: Oidheantherabiebrojekt
OIDHEANTHERABIEBROJEKT

Mia wean ned reich, unsa Musik ned entdeckt.
Mia wean ned reich, unsa Musik ned entdeckt,
weu des is ka Band sondan unsa Oidheantherabiebrojekt.

Es druckt de Goi und es ziddan de Knia,
de Niern san hi, de Gicht sogt "An schenan Gruaß von mir!"
Owa ohne de Wehwehs do wa ma jo ned mia.

Jez werd ma oid und es geht uns so wias geht,
feig sei bringt do gor nix und suddan tama ned.
Geh spüh ma no amoi den Tod, bevua ra auf da Mattn steht!

Mia wean ned reich, unsa Musik ned entdeckt.
Mia wean ned reich, unsa Musik ned entdeckt,
weu des is ka Band sondan unsa Oidheantherabiebrojekt.
Track Name: Tagessieger
TAGESSIEGER

Hosd du heite aufsteh miassn,
waas'd doch afoch liegn bliebn.
S'Letzte wos i brauch bist du,
waun i eh scho zurnich bin!
Deine Supaschmäh san wia a Wimmerl am Lulu,
Wer taunzt umman Watschnbam?
Oida, glaub ma des bist du!

DU BIST MEI OASCH VOM TOG!

Zerscht liab griaßn, daun fest hussn,
Gschichtldruckn, oiweu liagn.
Mia wird schlecht waun i di hea,
waun i di siech daun muass i wiagn.
Du mochst blede Tanz, de unnedich wia Dünnschiss san.
I brauch ned laung üwalegn,
fia wen de nossn Fetzn san!

DE SAN FIAN OASCH VOM TOG!
Track Name: Muass des wirklich sei
MUASS DES WIRKLICH SEI

Muass des wirklich sei, das'd des Weh oiweu midzahst?
Waun wo a Festl is und wir uns wieda amoi segn.
Und muass des wirklich sei, das'd damit spüst,
weust genau waast:
Waun i di siech, is no imma um mi gscheng.
Dass fia an alanich ned hihaut,
wiss ma zwa genau.
Die Froge is wer faungt midn nochgem au?

ZU ZWEIT KENNT UNS DE WÖD KA HAXL STÖN!
ZU ZWEIT TUAN UNS BLEDAWEIS ALAANICH QUÖN!
ALAA TUAT SI NIX, ZU ZWEIT GHEAT UNS DE WÖD!
ZU ZWEIT!

Muass des wirklich sei, dass i dem Oasch genau ausiech:
Der waas bis ins letzte Loch Bescheid von uns zwa.
Und muass des wirklich sei, das'd imma heust,
waun i di siech?
Waunnst da vuasöst wia schee sei kennt, waun wos wa.
Dass fia an alanich ned hihaut,
wiss ma zwa genau.
Die Froge is wer faungt midn nochgem au?

ZU ZWEIT...
Track Name: 1998
1998

Du wüst de Wohrheit hearn und kriagst Liagn vakauft,
de san so schee siaß drum foids da laung ned auf.
Owa mit da Zeit wearn de Schmä olle oid
und daunn merkst ma hod de fürchterlich groid.
Scheinheilig hängt de Sunn vom Himme,
der is scho kornblumenblau,
do is wer fest aum Werken und mocht olles braun!

JETZT HASTS GUSCH UND WOS TUAN
NUR VOM GSCHEID REDN IS NO NIX BESSA WUARN
GUSCH UND WOS TUAN
JETZT HASTS AUM TISCH HAUN, SUNST HOST DES SPÜH VALURN

Do zündelt wer und heart so laung ned auf
bis nix is wias woa tritt er ois Retter auf.
Er hods imma scho gwusst und imma scho gsogt,
dabei hod uns er de Suppn eibrockt.
Deppat wegschaun i nimma drin,
hobn de erst wos zum Sogn,
host sovü Freid aum Lebn wia a Gschwia im Mogn

JETZT HASTS GUSCH....
Track Name: Do hob i eh scho gnua
DO HOB I EH SCHO GNUA

I frog di: "Foa ma no wo hin?"
Keifst glei: "Owa ohne mi!"
Weu du gehst heit auf schick und fein
midn Sekretär vom Herrn Notar
in die geile Bussi-Bar,
und loßt da im MOndschen
sei große Briafmarkn ziegn.

OOH DO HOB I EH SCHO GNUA!

Aum nächstn Tog in da Fruah,
kreust daun bummnoglzua
auf olle Viere laungsaum ins Bod.
Dazöst da Herr Notar war auch noch da.
Jetzt waast wos bei dir Plotz hod,
owa huach wos i da sog:

OOH DO HOB I EH SCHO GNUA!
Track Name: Apferl
APFERL

Schau des grüne Apferl, heast des leicht mi au,
des hobn's bestimmt betroid damits so leichtn kau.
Waas i eh, waun i des Apferl iss
leicht, mas Zumpfal waun i im Finstan pisch.

MESSA & GOBE SCHAUFLN MEI GROB
DRAUF STEHT ER IS GSTUABN
WEU A SO BÜLLIG GFRESSN HOD
HOITBOA BIS ZUM JINGSTN TOG

Warum feun de Eia so oft noch Fisch?
Warum springt des frische Fleisch vom Kuchltisch?
Lauert da Waunsinn in mein Steak?
San de Keks aus Fedan und aus Hendldreck?

MESSA & GOBE...

Schau des Brod liegt ewig do und schimmelt ned,
do wü ma gor ned wissn wia sowos geht.
Konserviert fia tausend Johr,
des is ned gsund des is ma kloa.

MESSA & GOBE...
Track Name: Bauchfleisch
BAUCHFLEISCH

I kumm her wengan Bauchfleisch, owa de Kuchl do is koid.
I kumm her wengan Bauchfleisch, owa de Kuchl do is koid.
Daweu is de Hittn do mittn in da Stodt und ned im Wienerwoid!

Heite gibts nix zum Beissn, dafia an murdsdrumm Bahö.
Heite gibts nix zum Beissn, dafia an murdsdrumm Bahö.
Weu de Kombo do auf der Bühne spüht gaunz sche laut und schnö.

Do schrein lieblich de Paulas, da Bass brummt grantig dazua.
Do schrein lieblich de Paulas, da Bass brummt grantig dazua.
Und da Zeigla gibt Voigas, sunst gebn de Leit unt ka Ruah.

Auf da Bühne gibts Bauchfleisch, wia scho seit guade 20 Joah.
Auf da Bühne gibts Bauchfleisch, wia scho seit guade 20 Joah.
Nur mit a poa Kilo mehr, dafia mid weniga Hoa!
Track Name: Tod
TOD

A Ocka volla Tode, des Laund dasauft in Bluat.
A Million oda zwa, daun gehts eam guad.
Ob Verdeun, ob Stalingrad, dafruarn, zaschossn und zafetzt.
In Korea und Afghanistan hod er sei Sens gwetzt

DA TOD FOHRT SEI ERNTN EI.
ZAHT EI SENS IWA D'WÖD UND SAMMELT SÖN DABEI

Auf jo und na hod er boid a neiches Gsicht:
Ois Pockn, Krebs, ois Hungersnot
do fohrt a Doppeschicht.
Er hockt in seina Gruft, schaut se sei Sammlung au,
moi is er a Masta aus Deutschlaund, moi nur da Sensenmaunn

DA TOD....
Track Name: Zwa
ZWA

A volle Hittn, a guade Band. Musik so haaß das de Luft fost brennt.
A Schmuseliad mid Ganslhaut, a Stromgitta zum Sterbn schee.
Zwatausend Leit ur vire ghaut, des Liacht geht au es is Zeit zum Geh.
Du lahnst bei mir und i gspia mia kenntn do no ewig steh.

UND MITTN IN DE GAUNZN LEIT SAN MIA ZWA MID UNS ALAA.
JEDA HERZSCHLOG IS A STUND LAUNG HEIT JEDA AUGENBLICH BRAUCHT ZWA.
UND MITTN IN DE GAUNZN LEIT SAN MIA ZWA ALAA MID UNS;
ZWISCHN STROMGITTAN UND FEIAZEIG GHEART DE GAUNZE WÖD HEIT UNS!

A volle U-Bahn und draussn Regn, de Luft herinn fost zum Üwagebn.
A Regnschirm beinoh im Gsicht, a Tussi keift sie is zweid gfohrn.
A Kind wos schreit foid ned ins Gwicht, zum Driwastrahn a Rudel Fuaßboi-Norrn.
Du lahnst bei mir und i gspia, mia kenntn do no ewig foan.

UND MITTN IN DE GAUNZN LEIT SAN MIA ZWA MID UNS ALAA.
JEDA HERZSCHLOG IS A STUND LAUNG HEIT JEDA AUGENBLICH BRAUCHT ZWA.
UND MITTN IN DE GAUNZN LEIT SAN MIA ZWA ALAA MID UNS;
ZWISCHN REGNSCHIRM UND NOSSE LEIT GHEART DE GAUNZE WÖD HEIT UNS!

If you like Bauchfleisch, you may also like: