Durch dick und dünn

by Bauchfleisch

supported by
/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.
    Purchasable with gift card

      €7 EUR  or more

     

  • Compact Disc (CD) + Digital Album

    Standard Jewel Case mit 12-seitigem Booklet

    Includes unlimited streaming of Durch dick und dünn via the free Bandcamp app, plus high-quality download in MP3, FLAC and more.
    ships out within 3 days

      €7 EUR or more 

     

1.
2.
3.
05:13
4.
5.
05:42
6.
7.
8.
9.
06:04
10.
11.
12.
04:31

credits

released May 5, 1998

license

all rights reserved

tags

about

Bauchfleisch Vienna, Austria

Roman "Jaki" Jaksic - Gesang, Bass, Percussion

Anton "Töni" Bauer - Schlagzeug, Percussion

Bernhard "Börni" Wita - Gitarre, Gesang

Hermann "Voda" Schopf - Gitarre
... more

contact / help

Contact Bauchfleisch

Streaming and
Download help

Report this album or account

Track Name: Waun i ned wü
Und sie was ned / warum ihr jeda zuwewochst / da Chef, de Oidn und de Buam
er steigt ihr noch / und fia de Oidn is daham is Weh
und waun de Buam ned so hektisch wahn daun / passat des mit eana eh

Freitog auf d'Nocht / sie hod ihr gaunzes Knedl mit / min Bus, da Bim und da Bahn
sie is dahin / und fua ihr liegt de gaunze Wöd
und sie sogt / wuascht wos kummt waun / waun i ned wü daun muass i ned

WAUN I NED WÜ DAUN MUASS I NED / WAUN I NED WÜ DAUN MUASS I NED

Sie schreibt an Briaf / damit de Oidn daham ned rean
nua kane Surgn / weu wos i do tua des / des was i söwa eh

WAUN I NED WÜ....
Track Name: Herz aus Staa
Er schreits au / geh moch doch endlich Meta / tuat dabei / ois ob er fett wah
er hod ned de Kroft / das er se grod mocht / do vua ihr
er wü ned wirklich das sie geht / er sogts ihr ned
sei Gschau is köda ois des Bier des vua eam steht

STOIZ UND ALAA / TRAMT ER DAVAU WIAS WOA MIT IHR
TUAT OIS WAH SEI HERZ AUS STAA / SONST GEHTS NED OHNE IHR / OIS WAH SEI HERZ AUS STAA

Er was genau es woa a riesn Föhla / owa beim Streidn is a imma schnölla
ois min Hirn / wuascht obs eam schlecht geht oda guat
er was genau es wiad eam quöhn / sie wiad eam föhn
nua gsogt is gsogt und nochgem a Wurt / des er ned kennt

STOIZ UND ALAA....

Da Typ mit dem er's gsehn hod des woa ihr Voda / er frogts vadienst dei Koin im Proda
und er hot ned gmerkt das er wieda amoi / im Unrecht woa
er hod ned ghuacht wos sie eam sogt / er hots nix gfrogt
sie hod ka zeit ghobt zum Erklärn / wos wirklich woa

STOIZ UND ALAA....
Track Name: Himmebett
Sie woa de Sensation von da fünfer Stiagn / und er de Numma zwa in da Parkpartie
mit ihr woit jeda Bua im Grätzl ziagn / nur er hod gsogt "bei dera Oidn brod i nie"
Freitog im Park gehts zu eam hi / sogt heast was redst bled iwa mi
er woit ka Antwurt gebn und gaunz cool geh / owa er heat se söwa sogn "weu i ma's auf di steh, auf di steh"

JO HEIT DO GIBTS AFOCH KA VASTÖHN MEHR / UND KA BLED REDN UND KA LIAGN
DO GIBT'S AUF AMOI NUR MEHR SIE UND EAM
UND OIS WOS HEIT PASSIERN WIRD / UND OIS WOS HEIT NO PASSIERN WIRD
UND OIS WOS HEIT PASSIERN WIRD / MUASS PASSIERN

Sie gspiat ihre Knia wean laungsaum wach / und er kriagt rode Ohrn und feuchte Händ
owa se haum olle zwa ka Aungst / das eana irgendwos zu schnö geh kennt
im ausbrenndn Bus vuan auf da Gstättn / is eana nix und niemaund mehr im Weg
es is ois bleibt de Wöd glei steh / um eana Himmebett aus Staub und Dreck / Staub und Dreck

JO HEIT....
Track Name: Mr. Kalaschnikow
Sei Hund dearf in de Wiesn / owa de Kinda nie
de soin zum Teife geh / oda sunst wo hi
sei klanes drittes Reich is sei Gemeindebau / do braucht se kana spühn / des wissn olle genau
und hod er amoi des Gfüh es pflanzt eam wer / daun hoid er schnö sei Luftdruckgwehr

MR.KALASCHNIKOW / MR.KALASCHNIKOW

Soit wer zur foischn Zeit / in Mist weghaun
daun zagt an au / so schnö kaunnst gor ned schaun
er is so guad, so hort, so gscheid / kana sunst hod so vü Schneid
waunn er wos sogt pariert da gaunze Hof / weu er hast Mr.Kalaschnikow

MR.KALASCHNIKOW / MR.KALASCHNIKOW

Waunn i di dawisch heast, reiß i da dein Beidl aus
dei Muada de Schlaumpn gheart ins Arbeitshaus
de worme Sau, dein Vodan den kaunst a gern hoin
den schnoiz i so do kaun er auf de Eia roin
Track Name: 7ter Himme
Eigentlich wüs gor ned Ham / weu sie was scho wos do wort
er is Freitog wieda Zoitog / da Voda is fett und mocht auf hort
und waun er gnua hod von da Mamsch / nocha is de Reih aun ihr
wias ham kummt do wort er scho / hod Hosn scho bei d'Knia
sie is ruhig und beißt de Zähnt zaum / do geht des schnö vurbei
amoi do woit sa se wehrn / hätts fost daschlogn dabei

KANE GEIGN IM SIEMTN HIMME / UND ÜWAHAUPT KAN HIMME MEHR
SIE IS IHRN VODAN SEI KLANE MAUS / NUR DE NARBN AUF IHRA SÖH WEAN LAUNGSAUM MEHR

A bissl späda read er's au / schwört ab heit host dei Ruah
und du wiast lebn wia im siemtn Himme / owa sie huacht eam gor ned zua
und de Mamsch geht in de Apothekn / und teut de Pulva mit ihr o
und is nächste moi is ihr ois egal / weu sie is eigentlich ned do
und sie hängt boid auf de Pulva / nimmt ois wos findn kau
da Voda schreit "des hob i ned vadient / wos tuast ma do nua au"

KANE GEIGN....

Eigentlich wüs gor ned Lebn / sie hoit se söwa nimma aus
es is Freitog wieda Zoitog / und ihr Liacht geht laungsaum aus
und er kummt wieda in ihr Zimma / de Mamsch hod heit schno gnua
nua sie schloft, schloft fia imma / hod auf ewig vur eam Ruah

KANE GEIGN....
Track Name: Samstog im Supamorkt
Is Neonliacht do herinan haut mas Aug ei / und meine Ray Ban hob i blederweis daham
i bin miad / laungsaum / und es foid ma schwa / des blede Wagl zum außezahn
hinta mia do keift a gstörde Oide / das des ihr Wagl gwesen wah
vun hintn fohrt ma no a Seichal eine / geh greuts ma owe olle zwa

A FETZEREI VUAN AUN DA KASSA / A MÖRDA KÖCH DO BEIM REGAL / JO ES IS SAMSTOG IM SUPAMORKT
DO SPÜHT DEI NOCHBA GLEI IN MASSA / IS DA OMA OIS EGAL / SAMSTOG IM SUPAMORKT

Beim Bier gibts nua des Gschloda in de Dosn / de Chips san aus und Müch gibts kane mehr
und i feu mas ärga weu i des eh was / owa trotzdem greu i jeden Samstog her
i drei Reihn san de Leit zum Brenna augstöht / irgendwer schreit dräng die jo ned vua
a Gschropp im Wagl head ned auf zum Plazzn / da Voda druckt eam ane "Gusch bleda Bua"

A FETZEREI....
Track Name: Heit is ned mei Tog
Mei CeDe - Pleja wü ned / der is wia tod / ka Licht ka Ton / i was ned wos der hod
und in mein Zurn stöh i ma vua / wia i den Vakäufa zafetzn tua
do foit ma auf / des Ding is gor ned augsteckt / des Ding hängt ned aum Netz
und ohne Strom i kauns eich sogn / do spühts kan Ton

HEIT IS NED MEI TOG NA NA NA / HEIT IS NED MEI TOG NA NA NA
HEIT IS NED MEI TOG / NED MEI TOG

Mei Maus wiad heut vawöhnt / i sog i koch uns wos / a Cordon mit Pommes / heast des wah doch wos
owa auf da Kuchl liegt a bösa Fluach / de Pommes san vabrennt und es Cordon ned duach
glei danoch faung i au zum Renna / weu ausn Ö de Flaumman schlogn
nextes moi gemma Essn i zoi / hea i mei Maus no sogn

HEIT IS NED MEI TOG....
Track Name: Schurl & Rosi
Sie sogt du kaunnst ned amoi a Leiwal uandlich zaumlegn / er mahnt wer wegn sowos raunzt is ned gaunz dicht
sie wü das er im Wohnzimma ned pofelt / er zündt se an Tschick au und blost ihr'n Rauch ins Gsicht
auf d'nocht im Bett möcht er so gern ihr wüda Hengst sei / owa sie vafoid beim Gruch von seine Fiaß
er was sie wü ihrn Kaffe nua ohne Zucka / deswegn mocht er ihr'n extra siaß

SCHURL & ROSI / HAUM SE SCHO LAUNG NIX MEHR ZUM SOGN
SCHURL & ROSI / HAUM EANAN HIMME LÄNGST AUM FRIEDHOF TROGN

Sie geht aum Bodn und hängt de frische Wäsch auf / er nimmt sein Fisch und schneit die Leine duach
sie was gaunz genau das er nua a Paar Boch hod / und laht eams Kotzklo in d'Schuach
er nimmt ihr schenste Kombinesch zum Putzn fia sei Wagl / sie laht eam Pitralon ins Bier
er stöht ihrn schensten Bonsai fia a Nocht ins Gfrierfoch / sie tuat eam Tigersoim aufs Klopapier

SCHURL & ROSI....
Track Name: Orga Noar
Du triffst die Üwafrau / scho host dei Herz valuan / nua sie wü nix von dir / du üwalegst wos wah zum Tuan
du kniast und bettlst / stöhst di mit Rosn ei / und wer di ospannt sogt / der muaß narrisch sei
und wia de Sun aufgeht / sogts da das di mog / und sie bleibt bei dir / auf Ewich und drei Tog
und mit eich zwa do / haut ollas bestens hi / du bleibst dei Lebn laung ka Stund mehr ohne sie

DU BIST UND BLEIBST A ORGA NOAR / DU BIST UND BLEIBST A ORGA NOAR

Du loßt dei Üwafrau / scho vü z'laung alaa / sie is a guade Söh / und tuat wia waun nix wah
sie sogt gaunz leise / bitte geh heit ned fuat / owa du gehst ins beisl / sogst außa Gusch ka Wurt

DU BIST UND BLEIBST A ORGA NOAR / DU BIST UND BLEIBST A ORGA NOAR

Wia de Sun vasinkt / was ihr Herz es is vuabei / sie wü ka Weh wia di / sie wü nua alaanich sei
du hockst beim Wirtn / saufst di um ihr Knedl au / mochst auf supalocka / und brodst bei jeda Frau

DU BIST UND BLEIBST A ORGA NOAR / DU BIST UND BLEIBST A ORGA NOAR

Jetzt merkst auf amoi / du host as scho valuan / und du wiast plätzlich niacht / owa do is nix mehr zum tuan
du reast und winslst / du kniast vua ihra Tür / sie sogst du kaunnst ma gstoin bleibn / i wü nix mehr von dir

DU BIST UND BLEIBST A ORGA NOAR / DU BIST UND BLEIBST A ORGA NOAR
Track Name: So is des hoid
I woch auf und du bist ned do / im Eck liegt dei Wäsch und i riach das'd / wieda moi auf Aufriß gwesn bist
is Schenste is du gehst / ma ned o / weu mia is längst wuascht in wöcha Hapfn du / mit wöcha Nudl glegn bist
i kumm Ham und du bist ned do / aum Tisch liegt a Wisch drauf steht / das'd da mit da Milli an Bruce Willis Füm eine ziagst
owa i was es ned so / weu de Milli hast Willi und i was gaunz genau / das'd mi owehaust und deppat liagst

OOH OOH DEPPAT LIAGST / OOH OOH DEPPAT LIAGST

I geh wieda moi ins Café / du hängst auf eam wia a Klettn und / du penzt eam au um an neichn Nerz
daun sogst zu mia / mid uns zwa is aus / i sog wia sche weu so a Ba wia du bricht an wia mia nimma mehr is Herz
da Willi hod boid an Job fia di / du bist ni daham weu a jeda Job / braucht sei Zeit so is des hoid
da Willi kassiert und du / legst di hi / stehst unta de Prodabam und wortst / das ana kummt der fia dein Orsch wos zoid

OOH OOH SO IS DES HOID / OOH OOH SO IS DES HOID
Track Name: Guad beinaund
I ruaf bei dir au und hob a fremde Stimm aum Rohr
er sogt du bist ned do und er wah dei Oida scho seid an Johr
jetzt hock i do und tram vun an Schampanjabod mit dir
in da Gsöschoft vun an Tuttlheftl und mein letztn worman Bier

BIN HOIWAD HI UND SCHO DABEI / FIA MI A TIAFES KOIDES LOCH ZUM GROBN OWA AUNSUNSTN KENNT MA SOGN
GUAD BEINAUND

Mia föd da Plan i find meine Sockn in da Mikrowöhn
und in da Kuchl schimmelts boid aun zwahundert Stöhn
daun ruafst mi au und mahnst i soi ned traurig sei
weu der Typ is eh a Weh owa er hod hoid Göd wia Hei

BIN HOIWAD HI....
Track Name: Auglahnt
Bei deine Wuchtln schloft ma's Aug ei / i kaunns wirklich nimma hean
so valogn wiast unterwegs bist / do gibst nix mehr zum Erklärn
owa heit wiad ollas aundas / mei Koffa is scho zua
sog da nua es is vuabei / und daunn vaschwind i ohne Spua

OOHH GEH LOSS MI AUGLAHNT / OOHH GEH LOSS MI AUGLAHNT

Warum heust jetzt Rotz und Wossa / weu i gsogt hob das i gehn
dei Gsicht wiad laung und imma blossa / du host kapiert es is ka Schmä
du sogst zum x-ten moi i irr mi / heast i was doch was i gspia
spühn kaunst di mit dein neichn oidn / owa nimma mehr mid mia

OOHH GEH LOSS MI AUGLAHNT / OOHH GEH LOSS MI AUGLAHNT

Geh bitte hoid amoi de Luft / du host eh scho vü zvü gredt
druckst mas eine wias da eifoid / merkst ned des pock i ned
owa heit wiad ollas aundas / aus vuabei endgültig gnua
vaobschied mi no schnö vom hund / und daun vaschwind i ohne Spua

OOHH GEH LOSS MI AUGLAHNT / OOHH GEH LOSS MI AUGLAHNT

If you like Bauchfleisch, you may also like: